Muqdisho: Ciidamada dowladda iyo kuwa AMISOM oo gaarey deegaanada loo barakacay

Ciidamada DKG ee Soomaaliya oo garabsanaya kuwa AMISOM ayaa si buuxda gacanta ugu dhigay deegaanada loo barakacay ee ku yaal duleedka magaalada Muqdisho.

Saraakiil u hadlay ciidamada dowladda ayaa sheegay inay gaareen deegaanada Lafoole iyo Xaawo Cabdi islamarkaana ay ku guuleysteen inay isku xiraan Muqdisho iyo Afgooye.

Deegaanadan oo ay horay ugu sugnaayeen xoogag ka tirsan Al-shabaab ayaa gacanta ciidamada huwanta ah galay ka gadaal markii ay gelinkii danbe ee shalay dagaalo xoogani ka dhaceen.

Waxayna wararku intaas ku darayaan in ciidamada xarakada Al-shabaab ay goobahaas isaga baxeen inkasta oo aan ilaa iyo hadda la ogeyn dhinaca ay aadeen.

Duleedka magaalada oo ay ku nool yihiin kumanaan qoys oo horay magaalada  uga soo barakacay waxaa dhowrkii beri ee ugu danbeeyey ka dhacayey dagaalo aad u xoogan.

Dagaaladaas ayaa ugu danbeyntii sababay in ciidamada dowladda KMG iyo kuwa AMISOM ay markii ugu horeysey gaaraan degmada Afgooye oo ay muddo sanado ah Shabaabku ka ariminayeen.

 

Horseed Media

Facebook Commnets

Horseed Media is using Facebook comments on stories. To post a comment, log into Facebook and then add your comment. We ask you to avoid personal attacks, and please keep your comments relevant and respectful. If you encounter a comment that is abusive, click the "X" in the upper right corner of the comment box to report spam or abuse. Commenting policy can be found HERE »