Dagaal xoogleh oo ka dhacay magaalada Labaad ee wadanka Lubnaan

Ugu yaraan 7 qof ayaa ku geeriyootay iska horimaadyo ka dhacay magaalada Tripoli ee ah magaalada labaad ee wadanka Lubnaan. 

Dagaaladan oo dhacayey labadii maalmood ee lasoo dhaafay ee Salaasa iyo Arbaca ayaa u dhaxeeya dadka Sunnida ah iyo kuwa Calaweyiinta oo kala taageera dhinacyada ku dagaalamaya wadanka Siiriya.

Magaalada Tripoli ayaa ah magaalo uu si weyn u sameeyey dagaalka ka socda wadanka jaarka la ah ee Siiriya, waxaana magaalada wada degen Sunniyiinta taageera mucaaridka Siiriya iyo Calawiyiinta uu kasoo jeedo hogaamiyaha dowlada Siiriya ee Bashaar Al Assad.

Dagaaladan ugu danbeeyey ayaa magaalada Tripoli ka qarxay kadib markii Telefishinka dowlada Siiriya laga siidaayey meydadka dhalinyaro badan oo sunniyiin ah oo ay dileen ciidamada Siiriya, kadib markii ay kasoo tilaabeen xadka u dhaxeeya dalalka Lubnaan iyo Siiriya.

Dhalinyaradan oo u socday inay gacan siiyaan kooxaha mucaaridka ee Siiriya ayaa badankood kasoo jeeday magaalada Tripoli, wuxuuna dilkooda sare usii qaaday xiisadii horey uga dhaxeysay labada bulsho ee ku wada dhaqan magaaladaasi saaran xeebta.

Horseed Media
News Desk 

Facebook Commnets

Horseed Media is using Facebook comments on stories. To post a comment, log into Facebook and then add your comment. We ask you to avoid personal attacks, and please keep your comments relevant and respectful. If you encounter a comment that is abusive, click the "X" in the upper right corner of the comment box to report spam or abuse. Commenting policy can be found HERE »