Faransiiska oo ka hadlay weerarkii ay ku qaadeen Buulo Mareer, Soomaaliya

Wasiirka Gaashaandhiga Faransiiska

Jean-Yves Le Drian Wasiirka Gaashaandhiga Faransiiska

Denis Allex oo ka mid ah sirdoonka ciidanka Faransiiska oo afduub loogu haystey Soomaaliya tan iyo sanadkii 2009, ayaa ku dhintey hawglka la doonayey in ciidamada Faransiisku ku soo furtaan askerigaa qafaalka looga haystey, sidaas waxaa yiri war ka soo baxay Gaashaandhiga dalka Faransiiska.

Warka ka soo baxay Gaashaandhiga Faransiiska ayaa lagu sheegay in Denis Allex ay dileen kuwii haystey ee ahaa Argagixisada.

Laba kamid ah Ciidanka Faransiiska ee hawlgalka fuliyey iyo 17 al-Shabaab ah ayaa dagaalkaas ku dhintey, sida lagu yiri warsaxaafdeedka ka soo baxay Gaashaandhiga Faransiiska.

Warka ka soo baxay Gaashaandhiga Faransiiska ayaa lagu sheegay in hawlgalkaani ahaa mid qorsheysan isla markaana lagu soo deynayey Denis Allex oo kooxda argagixisada ah ee haysta ay diideen wax wada hadal ah muddo saddex sano ah.

Wasaaradda Gaashaandhiga Faransiiska oo maanta weerar ku qaatey kooxda Islaamiyiinta ee Waqooyiga  Mali kana qabsadey magaalo ay horey uga qabsadeen Dawladda Mali ayaa sheegtey in labada weerar wax xiriir ah aysan lahayn, kooxaha Islaamiyiinta ee Mali ayaa ka taliya Waqooyiga Mali waxaana ay u soo jeesteen in ay qabsadaan Caasimadda dalkaas.

Al-Shabaab ayaa dhankooda sheegaya in Denis Allex uu weli nool yahay war saxafaadeed ay maanta soo saareen, isla markaanan u ku sugan yahay meel ka baxsan goobta dagaalka ka dhacay, waxayna Al Shabaab warkeeda ku sheegtay in labo maalmood kadib ay shacabka Faransiiska usoo bandhigi donaan go’aanka Al Shabaab ee ku aadan mustaqbalka Dennis Allex.

Warar kale oo dadka degan Buulo Mareer saxaafadda u sheegeen ayaa sheegaya in dadka dhintey ay ka mid ahaayeen 4 qof oo rayid ah.

Si kastaba ha ahaatee Weerarkan ayaa u muuqda mid fashilmey mar haddii la diley qofkii la doonayey in la soo badbaadiyo isla amrkaana ciidamo kale ay ku dhintaan weerarakaas.

Horseed Media
News Desk

Facebook Commnets

Horseed Media is using Facebook comments on stories. To post a comment, log into Facebook and then add your comment. We ask you to avoid personal attacks, and please keep your comments relevant and respectful. If you encounter a comment that is abusive, click the "X" in the upper right corner of the comment box to report spam or abuse. Commenting policy can be found HERE »