7 qof oo lagu diley Tuulo ku taala xadka Kenya-Somaliya

Sida ay sheegeen masuuliyiin ka tirsan dalka Kenya, koox hubeysan ayaa rasaas ku furay goob Masaajid ah Bariga Kenya, waxaana ay ku dileen 7 qof.

Wararka qaar ayaa sheegaya in dadkaani isugu jireen 5 nin iyo labo Haween ah kuwaas oo lagu diley guryahooda xili ay isu diyaarinyeen Salaadii subax

Macalim Maxamed oo laga soo doorto magaalada Gaarisa ayaa yiri maanta oo Khamiis ah ayaa koox gaareysa 8 kuwaas oo ku hubeysan qoryaha Ak47, ayaa weeerar ku qaadey tuulada Malela ee ku taala xadka Kenya la wadaagto Soomaaliya.

Mohamed oo u waramayey warbaahinta AP ayaa sheegay in sababta ka danbeysa dilkaan ka dhacay Masjidka aan la garaneyn, inkasta oo dalku noqdey mid bartilmaameed u ah kooxaha al-Qaacida, ka tirsan ee Soomaaliya sida al-Shabaab, kuwaas oo horey ugu hanjabey in ay weeraro ka fulinayaan gudaha Kenya.

Weerarka maanta ayaa imaanaya iyada oo doorashadii guud ee dalka Kenya ay ka harsan tahay wax ka yar laba todobaad, waxaana laamaha amniga ee dalkaasi sheegeen in ay jirto khatar weeraro argagixisnimo.

Tan iyo markii Kenya ay gudaha u gashey dalka Soomaaliya isla markaana ay kula dagaalmeen ciidamadeedu al-Shabaab waxaa soo badanayey weerarada, tooska ah iyo qaraxyada ka dhacaya dalka Kenya.

Horseed Media
Nairobi, Kenya

Facebook Commnets

Horseed Media is using Facebook comments on stories. To post a comment, log into Facebook and then add your comment. We ask you to avoid personal attacks, and please keep your comments relevant and respectful. If you encounter a comment that is abusive, click the "X" in the upper right corner of the comment box to report spam or abuse. Commenting policy can be found HERE »